Protestas encunter ils discurs dal Proxim Orient

Zoom

Las bandieras vegnan arsas durant las protestas. (Reuters) 

En l'Iran han tschients millis da persunas demonstrà cunter ils discurs da pasch per il proxim orient. La regenza iranaisa ha pretendì che l'Israel sa retiria dals territoris palestinais. President Ahmadinedschad ha ditg, che la decisiun davart in futur stadi palestinais stoppian ils Palestinais sezs pigliar. Quella na possia betg vegnir pigliada a Washington, London ubain Paris. Resistenza saja la suletta via per spendrar ils Palestinais. Il primminister israelian, Benjamin Nethanjahu ed il president palestinais Mahmud Abbas, eran sa cunvegnids ier a Washington da cuntinuar cun las tractativas da pasch a partir da mez settember e quai en in ritmus da mintgamai duas emnas. (fb)