Situaziun malsegira en la vischnanca da Mustér

En il rapport annual scriva il cussegl d’administraziun era da problems cun ils projects strategics. Tranter auter spetgian ins anc adina sin contribuziuns da la vischnanca per l’infrastructura da far naiv. Ins haja gia inoltrà avant dus onns ina dumonda da sustegn. Plinavant na vegnian era auters projects strategics betg vinavant. Ins n’haja per exempel betg savì vender sulom, perquai ch’investiders potenzials na sajan betg pronts d’investir a Mustér, avant ch’i na saja betg sclerì, co ch'i va vinavant cun il hotel Acla da Fontauna. Avant ch’i na saja betg cler, en tge direcziun che Mustér sa movia, na vulan las pendicularas betg far investiziuns pli grondas. (pk)