La Pro Flem Cassons veglia era vegnir involvida en las decisiuns sur da l'avegnir da la pendiculara, èsi vegnì argumentà. Ils commembers sajan bain pronts da rimnar in milliun francs per remplazzar la suga da la pendiculara, quai dentant mo, sch'els vegnan era involvids en las discussiuns sur da l'avegnir da quella. Quai ha ditg il president Hans Sutter al Radio Rumantsch. La suprastanza da l'uniun vul perquai contactar l'Arena Alva e la vischnanca da Flem per chattar ina schliaziun.
Sche la suga da la pendiculara da Cassons vegn remplazzada, po la pendiculara vegnir mantegnida enfin ils 2015. (pk)