Federer sa qualifitgescha a moda suverana

Zoom

Roger Federer sa qualifitgescha per l’8avel final al US open (Reuters) 

Roger Federer è sa qualifitgà per l’8avel final da l’US open a New York. Sco gia en ils emprims dus gieus è Federer era stà suverans quest terz gieu. Il 5dubel victur da l’US open ha battì il franzos Paul-Henri Mathieu cun 6:4, 6:3 e 6:3. Il sulet ch'ha fatg intgins fastedis a Roger Federer è stà il ferm vent sin il centre court a Flushing Meadows. (pk)