Actual 

Blera lavur per reconstruir ils donns

  • 05-09-2010, 10.18
Zoom
John Key , il primminister da la Nova Zelanda a Christchurch (Reuters) 

Uss èn ils donns dal terratrembel en la citad da Christchurch en la Nova Zelanda visibels. I dovria passa in onn per reconstruir il center da la citad, ha il primminister John Key ditg. La protecziun civila di che passa 500 chasas da fatschenta sajan donnegiadas. Enfin 20% da las chasas na sajan betg abitablas pli.
Ils blers abitants da Christchurch han dentant puspè electricitad. Persuenter resta il provediment d'aua in grond problem, cunquai ch'il conduct d'aua è rut en almain 200 lieus sutterans. (pk)

Terratrembels posteriurs a Christchurch

Oz ha la terra stremblì danovamain en la citad da Christchurch. Ins ha registrà varga 30 terratrembels posteriurs. Il pli ferm ha gì ina fermezza da 5,1 sin la scala da richter.