Actual
Inquisiziun encunter Jean-René Fournier pervia d'ina lubientscha da sajettar in luf
-
- Zoom
- Jean-René Fournier. (tsr.ch)
Cunter il cusseglier dals chantuns ed anteriur cusseglier guvernativ dal Vallais Jean-René Fournier è vegnì instradà in'inquisiziun penala. El ha lubì ils 2006 da sajettar in luf en la regiun dal Chablais.
Il WWF vegn exclus sco partida civila
Jean-Renè Fournier aveva dà glisch verda, malgrà ch’in recurs era pendent. La procura publica dal Vallais Sut ha decis ils 23 d'avust che l'inquisitur duai far retschertgas. Jean-René Fournier duai avair surpassà la lescha da chatscha e la lescha da protecziun dals animals selvadis.
La procura publica ha dentant exclus il WWF sco partida civila. L'organisaziun d'ambient ha confermà quai en in rapport da la "Sonntagszeitung". (pk)
