Actual 

Lüthi sin il podest a San Marino

  • 05-09-2010, 14.27
Zoom
Tom Lüthi sin il podest a San Marino (Reuters) 

Tom Lüthi è vegnì terz al Grond premi da San Marino a Misano. Cun quai è el gia per la 5avla giada en questa stagiun sin il podest en la categoria Moto2. A Misano ha Tom Lüthi savì partir mo dal 15avel plaz.
En la medema cursa è Dominique Aegerter vegnì 8avel. Gudagnà ella ha il spagnol Toni Elias avant ses cumpatriot Julian Simon. Ils trais victurs da Misano èn è en la medema successiun a la testa dal campiunadi mundial. Elias ha 211 puncts, Simon 128 e Tom Lüthi 124.

Accident mortal al Grond premi da motos da San Marino

Il pilot giapunais Shoya Tomizawa è sa disgrazià mortalamain a Misano. Tomizawa era in collega d'equipa dal svizzer Dominique Aegerter è crudà en la 12avla runda. El è vegnì sut dus töfs ch'eran gist davos el. Il pilot che aveva 19 onns è mort en consequenza da da sias grevas blessuras. (pk)
 

Era Kummenacher è charrà bain

Per l'otgavla gia en questa stagiun è il pilot da töf svizzer Randy Krummenacher en ils top 10. Krummenacher è vegnì 9avel en la categoria dals 125 al grond premi da San Marino. Gudagnà ha il spagnol Marc Marquez che maina era en il campiunadi mundial. (pk)