Concret vai per il suspect che Talians e Tessinais han tschertgà memia blers bulieus en il Grischun, ed uschia cuntrafatg a la lescha. Quai pretenda in collavuratur da l’uffizi da chatscha en ina reportascha da la gasetta “Die Südostschweiz”. Quella pretensiun metta bain en perfetg la polizia chantunala, mo ad ella resta dentant nagut auter che conceder, che la pretensiun correspunda a la realitad. Uschia èsi era cler, che la polizia tschertga en quels autos, nua ch’ella pensa, d’avair las pli grondas schanzas da chattar insatge. Ch’ils talians ed ils tessinais n’han nagin gust vi da quella metoda, quai chapescha era Robert Willi, il schef da la polizia chantunala ad interim. Quai ha el ditg sin dumonda dal Radio Rumantsch. Ina raschun, da midar la pratica lubida actuala, na dettia quai dentant betg il mument. (fb)