Strusch cumenzà e gia spustà. Cun gronda preschientscha da medias ha il process cunter il moderatur e meteorolog Jörg Kachelmann cumenzà oz en damaun a Mannheim. Curt suenter è il process vegnì spustà. El duai cuntinuar ils 13 da settember. Ils advocats da Kachelmann avevan renfatschà a dus derschaders d'esser intretschads en chaussa.

Kachelmann è accusà per avair violà sia anteriura partenaria. Kachelmann sez ha adina pretendì d'esser innocent. Sch'el vegn condemnà, alura smanatschan enfin 15 onns praschun.(cl)