Il cumpromiss preveda ch'ovras pli giuvnas possian esser colliadas 14 onns pli ditg cun la rait che planisà enfin qua. Ovras pli veglias pon furnir electricitad 8 onns pli ditg.

Per recumpensar questa decisiun fitg dispitaivla, ston ils gronds concerns d'electricitad pajar milliardas a la regenza per promover l'electricitad ecologica. L'opposiziun ha gia annunzià ch'ella cumbattia questa decisiun.

Critica da l'Austria

L'Austria ha crititgà il cumpromiss d'atom da la Germania. Quai saja ina trumpada ed in pass enavos, ha il minister per ambient da l'Austria, Nikolaus Berlakovich ditg. Uschia fetschia la Germania simpel da tegnair a mastergn las immissiuns da Co2. Malgrà questa decisiun da la Germania veglia el rinforzar sias stentas cunter la forza electrica atomara, ha Berlakovich ditg vinavant. (cl)
 

Angela Merkel lauda cunvegna

La chanceliera federala Angela Merkel ha ludà la cunvegna che sia coaliziun da regenza ha cuntanschì e numnà quel ina "Revoluziun en il sectur da provediment d'electricitad." Quai saja la basa per in provediment d'energia segir e favuraivel al clima. Uschia haja la Germania il provediment d'energia il pli effizient ed il pli favuraivel a l'ambient sin l'entir mund.(cl)