Pajar dapli e survegnir pli pauc. La quarta revisiun da l'assicuranza da dischoccupaziun saja malgista, argumentescha il comité Contra dal Grischun. Per persunas cun pajas normalas veglian il cussegl federal ed il parlament auzar las contribuziuns a l'assicuranza da dischoccupaziun da 2 sin 2,2 %. Managers che gudognan bain, pajan dentant pauc u insumma nagut. Quai fiss er en il Grischun il cas, ha ditg il president socialdemocrat Jon Pult. Al comité grischun per in na ils 26 da settember sa participeschan la Partida socialdemocrata dal Grischun, ils Giuvens Socialists ed ils sindicats grischuns. (fb)