Emprendists fan mirs sitgs a Vella

Zoom

Baselgia a Vella. (mad) 

Emprendists da miradur da la Surselva èn vida sanar il mir dal santeri da la baselgia Pleif. Durant duas emnas han 28 emprendists dal segund e terz onn d’emprendissadi lavurà cun crappa natirala. Questa fin d’emna èn las lavurs vid la veglia miraglia da crappa natirala terminadas. Quai curt temp na tanschia betg per tractar l’entira tematica, ha ditg Daniel Blumenthal da la societad grischuna dals impressaris, dentant dettia quai in’invista en la tecnica da lavurar cun crappa natirala. Quels emprendists che vulan profundar lur enconuschientschas sappian far quai pli tard. (fb)