Actual
Avegnir politic da Heinz Brand è avert
Heinz Brand, che è stà candidat dalla PPS grischuna per la regenza, na candidescha betg per il Cussegl naziunal sch’el resta schef dal uffizi chantunal per fatgs da polizia e dretg civil.
Tenor la cussegliera guvernativa e scheffa dal departament da segirtad, Barbara Janom Steiner, na candidescha Brand betg pli per in post politic aschi ditg ch’el lavura en quest uffizi. Quai ha Brand declarà en in discuors cun Janom Steiner. Heinz Brand n’è betg stà cuntanschibel per prender posiziun. Suenter il naufragi a las elecziuns per la regenza grischuna è Heinz Brand vegni en discussiun sco candidat da la PPS grischun per il Cussegl naziunal. Jon Peider Lemm, il president da la PPS grischuna, è trumpà.(bu)
