Il plan da reducziun da la selvaschina è equilibrà quest onn. L'uffizi da chatscha fa quint cun ina buna chatscha. Quai ha ditg Georg Brosi, l’inspectur chantunal da l’uffizi da chatscha sin dumonda dal Radio Rumantsch. Il privel da vesair in urs en ils guauds dal grischun, n’è dentant betg grond: L’urs ch’era vegnì en il Grischun il zercladur, è puspè returnà en il Trentino en l’Italia. Quai scriva la gasetta “Die Südostschweiz”. La chatscha grischuna cuzza enfin ils 28 da settember, cun in’interrupziun d’in’emna. (fb)