En la qualificaziun è Marco Grigoli da Sogn Murezzan siglì 96 meters e mez ed è vegnì 33avel. Gregor Deschwanden è siglì 103 meters. Perquai ch'el ha gì meglras relaziuns dal vent, n’ha el dentant betg survegnì medem blers puncts sco Grigoli ed è classà davos lez sin il 36avel plaz. Siglì il pli lunsch è il norvegiais Vegard Haukoe Sklett. El è siglì 137 meters. L’austriac Gregor Schlierenzauer, il victur da la turnea da quatter schanzas, ha sco Simon Ammann desistì dal viadi en il Giapun. (fb/sda)