Actual
Tavau: Ulteriur sustegn finanzial per la Tunesia
-
- Zoom
- Didier Burkhalter empermetta vinavant sustegn finanzial per la Tunesia. (Keystone)
Il minister per fatgs da l'exteriur svizzer, Didier Burkhalter, ha empermess a la Tunesia in ulteriur sustegn finanzial per la midada politica, planisads sajan 24milliuns francs l'onn current. Quai è il dubel da l'onn passà.
Al WEF a Tavau è Burkhalter s’entupà cun ses collega d'uffizi da la Tunesia, Rafik Abdessalem. Cun il sustegn finanzial veglia la Svizra rinforzar las structuras per ina democratisaziun, ha il departament da l'exteriur svizzer communitgà. In ulteriur tema è stà il problem da migraziun. Tenor Burkhalter dovri ina cunvegna da repatriament. Actualmain dumondan bleras persunas da la Tunesia asil en Svizra. (fh/sda)
