Gia il november ha la suprastanza communala communitgà il na a l’idea dad ina scola bilingua a la gruppa da lavur ch'ha sviluppà l’idea. La raschun principala per il na è la tema che la scola superiura a San Murezzan n’avess betg gì las pussaivladads dad installar in stgalim superiur biling cun avunda magisters, ma era cun avunda scolars.
L’idea è stada quella che las scolas da Silvaplana e da Segl avessan ina scola bilingua – mintagamai en ils vitgs per la scola primara ed a San Murezzan per il stgalim aut.
Silvaplana ha gia ditg gea al project dad ina scola bilingua e vul ussa evaluar pussaivladads per pudair realisar la scola bilingua era senza Segl. (ds/rtr)