Actual
Costa Concordia: Gia emprims plants
-
- Zoom
- Passagiers da la Costa Concordia vulan 460 milliuns dollars indemnisaziun. (Reuters)
6 passagiers dal bastiment havarà, Costa Concordia, han inoltrà en ils Stadis Unids ina plant collectiv cunter la firma possessura, CARNIVAL. Quai è gia il segund plant.
Ils accusaders, derivants da Florida, New York e da l'Italia pretendan en tut indemnisaziuns da 460 milliuns dollars, ha lur advocat ditg. In emprim plant collectiv en num da tut ils passagiers e commembers da l'equipa era vegnì inoltrà ier.
La Costa Concordia era cupitgada la saira dals 13 da schaner. 4200 persunas eran a Bord. Enfin ussa han ins chattà 16 baras. 16 ulteriuras persunas valan anc sco sparidas. (gc/sda)
