Ils delegads èn suandads uschia a la recumandaziun da la fracziun da la Partida populara svizra (PPS) en chasa federala. “Ina vusch en il cussegl federal saja anc adina meglier che nagina”, ha il nov president da fracziun, Adrian Amstutz ditg. Malgrà ch'ins restia en il cussegl federal stoppia la PPS dentant far resistenza.

Na a dapli vacanzas per tuts

Plinavant han ils delegads da la PPS prendi la parola cunter l’iniziativa che vul 6 emnas vacanzas per mintgin ed era cunter la reintroducziun da pretschs liants per cudeschs. La votaziun d’omadus projects ha lieu ils 11 da mars.