Grischun: 560 milliuns francs per Viafier retica

Radund 560 milliuns francs survegn la Viafier retica ils proxims trais onns da la confederaziun. Quai ha decidì il cussegl federal.

Tenor il pledader da la Viafier Retica, Simon Rageth, saja quai en il rom dals ultims onns. Duvrads vegnan quels raps per divers projects: per exempel per il nov tunnel da l'Alvra u il tunnel a Giarsun en l'Engiadina. En tut duain la viafier federala e las viafiers privatas survegnir 9,5 milliardas francs ils onns 2013 fin 2016. (gc/rtr)