Sinergia: Il project è vegnì approvà

Il center per l'administraziun chantunala a Cuira po vegnir bajegià. Votantas e votants han ditg gea al project Sinergia cun 27'261 vusch gea e 27'074 vuschs na.

La participaziun a la votaziun munta a 41,28 %. 50,17 % da quels han ditg gea, e 49,8 % han refusà il project.

 

En il center da Cuira duain vegnir installadas 400 plazzas da lavur da l'administraziun chantunla. Ils custs duain vegnir sbassads, las sinergias nizzegiadas meglier ed ils pass da lavur optimads. En tut custa il project 69 milliuns francs.

 

 

Reacziun

 

Bruno Klaus, deputà liberaldemocrat e commember dal comité encunter il project Sinergia è trumpà. Al Radio Rumantsch ha el ditg ch’il comité pondereschia, da pretender ch'ins dumbria ora anc ina giada las vuschs.  

 

 

Revisiun è vegnida approvada

 

Er ils segund project chantunal, la revisiun parziala da la constituziun chantunala è reussida. 45'576 han ditg gea e mo 6'314 han ditg na. La revisiun duai reglar da nov il dretg da protecziun da l'uffant e da creschids. (fb/rtr)