Svizra: Schef da l’ABB gudagnà dapli

Il schef da concern da l'ABB, Joe Hogan, ha survegnì l'onn passà ina paja totala da 9,4 milliuns francs. El ha gudagnà uschia bler dapli che l'onn avant nua ch'el ha incassà 8 milliuns per sia lavur.

Cun quella paja s'auda Hogan vinavant tranter las 4 persunas che gudognan il pli bler en Svizra. La pli gronda paja en Svizra ha il schef da Novartis, Joe Jimenez cun 15,4 milliuns, avant il schef da Roche, Severin Schwan cun 12,3 milliuns ed il schef da Nestlé, Paul Bulcke cun 10,3 milliuns. (gc/sda)