Grischun: Iniziativa per englais sco emprima lingua estra

Ils aderents da l'englais sco emprima lingua en scola primara na cedan betg. Jöri Luzi, il scolast primar da Claustra, ha confirmà al Radio Rumantsch ch’el veglia lantschar in'iniziativa populara per introducir l’englais sco emprima lingua en las scolas primaras tudestgas.

La nova lescha da scola preveda ina lingua chantunala sco emprima lingua estra en scola. Luzi survegn tranter auter sustegn dals deputads Reto Nick da la PLD e d'Andy Kollegger da la PBD. Annunzià lur sustegn per l’iniziativa han dentant era Jürg Michel, il directur da l’Uniun da commerzi ed Andreas Wieland, il president da Grischun vacanzas.

 

Per che l’iniziativa reusseschia dovran ils aderents da l'englais 3’000 suttascripziuns. (uca)