UE: Scumond da viagiar per parents d’al-Assad

Ils pli stretg parents dal president da la Siria Baschar al-Assad na pon betg pli viagiar en l’Uniun europeica. Ils ministers da l’UE han decidì oz a Brüssel, da decretar quels scumonds per la dunna d’Assad ed auters commembers da la famiglia.

En pli n’han els betg pli access sin lur contos. L’UE ha gia pliras giadas fatg sancziuns cunter la Siria, per uschia pudair cuntanscher ina fin da la violenza cunter ils adversaris da la regenza. Cunter Baschar al-Assad sez datti gia pli ditg sancziuns. (sd/sda)