Cuira: Pauca lavur per center per passaports e cartas d’identitad

Il center chantunal per passaports e cartas d’identitad a Cuira ha pli pauca lavur che quintà. Sco quai che la “Südostschweiz” da la dumengia scriva, quintava il center a Cuira cun 17’000 novas cartas d’identitad ad onn.

Quella cifra n’hajan ins cleramain betg cuntanschì. La raschun: Las citads e las vischnancas en Svizra pon vinavant vender las cartas d’identitad. Oriundamain aveva la confederaziun planisà, che cartas d’identitad pon vegnir retratgas mo en ils centers spezialisads dal chantun. (fc/südostschweiz)