Pro Helvetia: Cussegl sustegn directur Knüsel

Il cussegl da fundaziun da la fundaziun culturala, Pro Helvetia sustegn ses directur Pius Knüsel. Era sch'il gremi sa distanziescha dal pamflet da Knüsel cun il titel "Kulturinfarkt", survegn il directur in attestat positiv per sia lavur sco directur.

Il cudesch "Kulturinfark" ha Pius Knüsel scrit ensemen cun 3 cunauturs tudestgs. Las propostas ch'els fan èn vegnidas discutadas da pliras varts. Tranter auter la pretensiun da far cesuras radicalas tar la promoziun da la cultura en la Germania. (fc/sda)