Zona da l’euro: Fond da crisa vegn augmentà

Ils ministers da finanzas da la zona da l’euro han sco i para decidì d'auzar il fond da crisa per 300 milliardas sin passa 800 milliardas euros. Quai ha la ministra da finanzas da l'Austria Maria Fekter ditg suenter l'inscunter dals ministers da finanzas da l'euro.

La summa da 800 milliardas vesa ora suandantamain: 500 milliardas cumpiglia il nov fond da crisa. Plus radund 200 milliardas derivan dal fond vegl. E 100 milliardas èn credits d’agid bilaterals sco era daners d’agid da l’UE. (gc/sda)