Franc svizzer: Consequenzas betg uschè dramaticas sco temì

Il ferm franc svizzer n'haja betg las consequenzas uschia dramaticas sco temì. La situaziun saja dentant anc adina dramatica, ha ditg il president da Swissmem Hans Hess en in'intervista cun il "Landbote".

Tenor Hess è la conjunctura mundiala sa revegnida pli spert che spetgà. Ed era il curs da stgomi da l'euro dad 1 franc e 20 raps portia ina tscherta stabilitad e franchezza. Anc l'atun aveva Hess temì che sia branscha stoppia stritgar almain 10’000 plazzas da lavur pervia dal franc ferm. (gc/sda)