Israel: Regenza declara Grass sco "persona non grata"

L'Israel declera il scriptur da la Germania Günter Grass sco "persona non grata". Quai munta, che Grass na dastga betg pli entrar l'Israel.

Il motiv è ina poesia da Grass, publitgada la mesemna passada. En la poesia crititgescha Grass che l'Israel sco pussanza nucleara periclitescha la pasch mundiala. Era en Germania ed auters pajais ha la poesia procurà per gronda critica. A Grass vegn rinfatschà antisemitissem. (fc/sda)