Nigeria: Almain 20 morts tar attatga cun bumba

Tar in'attatga cun bumba en la Nigeria èn vegnidas mazzadas enfin 20 persunas. La bumba è explodida damanaivel d'ina baselgia en il nord dal pajais.

Uffizialmain na datti anc nagina conferma davart il dumber da morts. Suspectà vegn, ch'ina gruppaziun terroristica islamica è responsabla per l'attatga. Els vulan stgatschar ils cristians dal nord da la Nigeria, in territori dominà da l'Islam. (fc/sda)