Siria: Armistizi para d’esser periclità

L’armistizi empermess en la Siria, para d'esser periclità. Dus dis avant che l’armistizi duess ir en vigur, pretenda la regenza da Baschar al-Assad garanzias a scrit da Kofi Annan, ch'era ils rebels desistan da violenza.

Ils rebels en tut il pajais hajan da dar giu tut las armas, uschia la pretensiun da la regenza da Baschar al-Assad, derasada da l'emettur da novitads Sana.

 

 

Interpretaziun fallida

 

Ultra da quai hajan stadis sco l'Arabia Saudita, la Tirchia ed il Katar d'empermetter da na betg pli sustegnair ils rebels cun daners. Ch'i dettia en mintga cas in armistizi a partir da mardi saja in’interpretaziun fallida da Kofi Annan. (fc/sda)