Venezuela: Hugo Chavez sto cuntinuar cun chemoterapia

Il president da la Venezuela, Hugo Chavez, è sgulà en la chapitala cubana Havanna. Quai per cuntinuar sia chemoterapia.

La gievgia aveva Chavez durant in servetsch divin appellà a Dieu da laschar ad el dapli temp sin terra. Observaturs giuditgeschan il pled da Chavez en la baselgia sco indizi ch'el sto prest bandunar la politica. La stad da l'onn passà è vegnì chattà in tumor tar Chavez. L'october vul Chavez, che maina il pajais Sidamerican dapi il 1999, anc ina gia candidar sco president. (fc/sda)