Grischun: Dapli plazzas ch'emprendists

La situaziun da plazzas d'emprendissadi è quest onn fitg buna en il Grischun. Tenor indicaziuns da la manadra dal post da cussegliaziun da professiun a Cuira, Justina Simeon-Cathomas, datti il mument 300 plazzas d'emprendissadi dapli ch'auters onns.

Quai na muntia dentant betg ch'i saja pli simpel per giuvenils da chattar ina plazza d'emprendissadi. En tschertas branschas, per exempel quellas ch'han da far cun uffants, bellezza, creativitad u cun animals, na dettia quai bleras pussaivladads. Bleras plazzas dettia dentant sin il sectur da autos, bajegiar u tar la vendita. (rtr/uca)