Schlarigna: Aua per la plazza da ballape

La fin da quest mais duess il suveran da Schlarigna decider sur d’in credit da 2,4 milliuns francs per lingias d’aua e da forza electrica da la vischnanca fin tar la plazza da ballape San Gian. Quai è ina surpraisa. La plazza è durant blers onns stada dispitaivla ed ins ha tschertgà areals alternativs per spustar quella.

Il motiv è stà che la plazza è en ina cuntrada da protecziun d’impurtanza naziunala. Per mancanza d’alternativas han ins decis uss da mantegnair il lieu, ma d’agir cun premura per natira e cuntrada. Quai tut sut ina controlla critica da las organisaziuns per protecziun da la cuntrada. (gc/ht/rtr)