Gion Giusep Derungs festivescha ses 80avel natalizi
-
- Zoom
- Il cumponists da renum, Gion Giusep Derungs, po festiver il 80avel di da naschientscha. (RTR, P. Bigliel)
La "Serenada", "Ad ina steila", ni "Ei plova", quai èn mo in pèr da las radund 550 cumposiziuns da Gion Giusep Derungs. El vala sco in dals pli impurtants cumponists rumantschs e po oz festivar ses 80 avel natalizi.
Gion Giusep Derungs è oriunds da la Val Lumnezia e stat oz a Cuira cun sia dunna. Suenter la scola populara ha il cumponist fatg la scolaziun sco scolast primar e secundar. Cun 27 onns ha el alura era anc fatg il conservatori da musica a Basilea.
Exact, punctual, amiaivel u sensibel
Da divers dirigents che nus vain dumandà vegn Gion Giusep Derungs descrit sco persuna exacta, punctuala, amiaivla u sensibel. Ses stil vegn descrit sco unic e fitg spezial.
Cumposiziuns cumplexas
Dentant n'èn sias cumposiziuns era betg simplas. Quai ha dentant era avantatgs, di per exempel Umberto Camathias, dirigent dal cor viril da Laax. Uschè sa tegna en memoria meglier las chanzuns. Ils dirigents han era diversas regurdientschas persunalas vi dad el. Il president da l'uniun da chant grischuna, Retus Giger, quinta per exempel che Gion Giusep Derungs aveva adina pront las cumposiziuns sin la data fixada. (fc/vr/rtr)
