Grischun: Ina limita da peschs pli bassa

Ils pestgaders grischuns sa radunan a Scuol per la radunanza da delegads. En quella han els da tractar 2 moziuns da las uniuns da pestgaders da Zernez e da l’Engiadina Bassa.

Questas 2 secziuns proponan da reducir la limita quotidiana da peschs da 6 sin 4 peschs al di. Els vulan ultra da quai introducir ina limita annuala da 60 peschs. Tut quai be per auas cun dis da protecziun. La suprastanza da l’Uniun chantunala fa ina cuntraproposta a la limita da 60 peschs e propona ina tala da 100 peschs l’onn. (ht/rtr)