Jemen: Armada mazzà terrorists dad Al-Kaida
-
- Zoom
- Las forzas da segirtad han mazzà 30 persunas. Tranter quels 28 terrorists e 2 indigens che hajan gidà a las forzas da segirtad. (Keystone)
En il sid dal Jemen èn mortas 30 persunas tar cumbats tranter truppas da la regenza e rebels islamistics.
L'agentura da novitads statala SABA rapporta che l'armada haja sajettà giu almain 28 umens da la rait da terrur Al-Kaida. Er 2 indigens che hajan sustegnì l'armada, sajan vegnids mazzads. La nova offensiva saja vegnida ordinada dal nov president dal Jemen, Abed Rabbo Mansur Hadi.
Empermess da cumbatter terrorists
Cura che Mansur Hadi era entrà en uffizi il favrer passà, aveva el empermess da cumbatter Al-Kaida. Dapi lura hai adina puspè dà attatgas da terrur sin las forzas da segirtad. (fc/sda)
