Passlung: Anteriur trenader Inge Braten è mort
-
- Zoom
- L'anteriur scheftrenader da l'equipa naziunala Inge Braten è mort en la vegliadetgna da 63 onns. (Keystone)
L’anteriur scheftrenader dal cader naziunal da cursa lunga da la Svizra, Inge Braten, è mort ier ad Oslo en la vegliadetgna da 63 onns.
Inge Braten pativa da la malsogna da cancer. Il Norvegiais aveva trenà il 2010 durant bun 5 mais ils passlungists svizzers. Braten avess era gì da trenar il quartet cun Dario Cologna, Curdin Perl, Toni Livers e Remo Fischer. El ha dentant mai chattà la dretga via tar ils atlets ed uschia è el vegnì relaschà anc avant che la sessiun ha entschet.
Tettel da campiun olimpic
Avant aveva Inge Braten festivà numerus success sco trenader dal team norvegiais e svedais. 13 giadas ha el astgà festivar sco trenader in tettel da campiun olimpic. Il davos ha Inge Braten lavurà sco commentatur tar Eurosport. (fc/si)
