Siria: Armada ha bumbardà la citad Homs

Il terz di da la pausa da cumbat en la Siria ha l'armada bumbardà il center da l'opposiziun, la citad da Homs. Singulas funtaunas din ch'i n'haja betg dà morts, autras rapportan d'in mort e plirs blessads.

En la segund gronda citad da la Siria, Aleppo, hai medemamain dà cumbats. Regenza ed opposiziun rinfatschan in a l'auter dad esser la culpa per las attatgas.

 

 

Resoluziun


A New York lavura il cussegl da segirtad da l'ONU vinavant vid ina resoluziun che duai pussibilitar da trametter observaders internaziunals en la Siria. Enfin uss n'han ins betg pudì sa cunvegnir pervi dal veto da la Russia. (fc/sda)