Ski Alpin: Alois Prenn daventa nov trenader da tecnicras svizras
-
- Zoom
- Tenor il scheftrenader da las tecnicras svizras, Hans Flatscher (foto) saja Alois Prenn l'endretg um per questa missiun. (Keystone)
Alois Prenn daventa nov trenader da las tecnicras svizras. Il nov chau-trenader Hans Flatscher è da l'idea che Prenn saja il dretg um per questa greva missiun.
Prenn ha 51 onns, vegn dal Tirol dal sid ed ha in'experientscha da prest 30 onns sco trenader. El ha gia trenà en la Germania sco er en l'Italia equipas da slalom da las dunnas sin nivel da la Cuppa mundiala.
Cumpetenza sociala
Tenor Flatscher possedia Prenn plinavant ina gronda cumpetenza sociala ed el vegnia a dar al team la fidanza necessaria. Alois Prenn daventa successur da Lionel Finance. (fc/sda)
