Suenter la quarta da 5 rundas eran Schurter ed Absalon anc ensemen a la testa. En la davosa runda ha il Franzos pudì vargà Schurter e la finala pudì distanziar il svizzer per 38 secundas. Terz è il talian Marco Aurelio Fontana cun in retard da varga ina minuta.

Resultats dals Svizzers

Florian Vogel, il collega d'equipa da Nino Schurter è vegnì 6avel, Fabian Giger 10avel, Lukas Flückiger è classà sco 13avel gist davos il tschec Jaroslav Kulhavy. Kulhavy aveva gudagnà l’onn passà la Cuppa mundiala generala. Plinavant è Martin Gujan vegnì 17avel, Christoph Sauser 19avel, Thomas Litscher 22avel e Mathias Flückiger 24avel.

A la testa

En il classament general resta Nino Schurter a la testa. El aveva gudagnà l’emprima cursa da la sessiun a Pietermaritzburg en l'Africa dal sid. (fc/si)