Frantscha: Sarkozy e Hollande cumbattan per davosas vuschs

In'emna avant l'elecziun dal president en Frantscha cumbattan ils candidats anc ina giada cun tutta forza per las vuschs da quels electurs che n'èn anc betg sa decidids per tgi vuschar.

A Paris han uschè bain il president actual Nicolas Sarkozy sco era ses contrahent socialistic François Hollande clamà ad occurrenzas da cumbat electoral. Tuts 2 quintan cun fin 100’000 persunas. Il candidat da la sanestra Jean-Luc Mélenchon, ha gia ier mobilisà pliras 10’000 a chaschun da sia occurrenza da cumbat electoral a Marseille. (fc/sda)