Genevra: L'Israel ha renvià ad activists pro Palestina d’entrar en pajais
-
- Zoom
- maletg simbolic: Activists pro palestinais che vulevan sgulà da Genevra a Tel Aviv n'eran betg giavischads en l'Israel. (Keystone)
l'Israel ha renvià a plirs activists pro palestinais da l'Europa d'entrar en il pajais. Tenor atgnas indicaziuns han ins refusà oz en damaun ad activists da l'iniziativa "Bainvegni en Palestina" da sgular davent da Genevra e Basilea vers Tel Aviv.
Ina pledadra da l'eroport da Genevra ha confermà che differents passagiers ch'avevan gia in bigliet, n'hajan betg pudì ascender la maschina vers Tel Aviv perquai ch'els n’avevan betg ina permissiun d'entrada per l'Israel. Sco la polizia conferma, haja dà silsuenter protestas a la plazza aviatica da Genevra. (fc/sda)
