L’equipa da Rene Kammerer ha gudagnà il final pign, il gieu per il terz e quart plaz encunter la Finlanda cun 6:2. Igl è l’emprima giada che la naziunala svizra da las dunnas gudogna ina medaglia ad in Campiunadi mundial da hockey sin glatsch. Gudagnà il tettel ha il Team Canada. Las Canadaisas han battì el final il matador local, las Americanas cun 5:4 suenter prolungaziun. (fc/si)