Interlaken: Um sajettà cun arma sin persunas

En Svizra èn da novamain vegnidas blessadas persunas entras sajets cun in'arma militara. In um alcoholisà da 26 onns haja sajettà ier saira ad Interlaken en il chantun Berna sin giasts d'ina bar.

Duas persunas sajan blessadas, ha communitgà la polizia chantunala da Berna. Il tiradur supponì, in um da la regiun, saja vegnì arrestà. Las 2 persunas blessadas na sajan betg en privel da vita. Pir gievgia passada aveva in um blessà cun in'arma militara ina persuna ad Altstetten en il chantun Son Gagl. (fc/sda)