Siria: Almain in milliun fugitivs
-
- Zoom
- Abstrahà dals fugitivs entaifer la Siria, fugian plirs Sirians era en pajais vischins. Quà fugian els en la Tirchia. (Reuters)
En la Siria datti almain in milliun fugitivs entaifer il pajais, sco consequenza da las revoltas ed ils cumbats tranter truppas da la regenza ed ils rebels.
Latiers sajan bleras persunas fugidas en pajais vischins dapi che las revoltas han cumenzà avant bun in onn. Quai ha declerà il secretari general da l'ONU, Ban Ki Moon suenter in inscunter cun l'incumbensà spezial da l'ONU per la Siria, Kofi Annan.
Emprims observaders
Oz duain ils emprims 30 observaders internaziunals arrivar en la Siria per survegliar l'armistizi che na para betg da tegnair. (fc/sda)
