Svizra

Nagin’elecziun da Miss Svizra quest onn

Quest onn na datti betg in'elecziun da la Miss Svizra. Als organisaturs na saja quai betg grategià da finanziar la producziun da televisiun.

Il manader da l'elecziun da la Miss Svizra, Christoph Locher, ha confermà in rapport da la SonntagsZeitung. Ins saja dentant optimist da puspè pudair organisar questa elecziun il 2013, forsa schizunt gia il schaner. La Televisiun Svizra aveva decidì l'atun passà da betg pli emetter l'elecziun. Nov partenari è l'emettur 3+. Quel po dentant mo pajar ina part da las producziuns da televisiun. (fc/sda)