Turgovia: PPS perda 10 sezs en parlament

  • Publicaziun: 15-04-2012, 17.24

Tar las elecziuns dal parlament en il chantun Turgovia perda la Partida populara svizra 10 sezs. Cun 41 sezs resta la PPS dentant la partida la pli ferma en il parlament da la Turgovia.

Tenor infurmaziuns dal biro d'elecziun gudogna la partida dals verdliberals 4 sezs. Da nov en il Cussegl grond è la PBD cun 5 sezs. Il parlament da la Turgovia consista da 130 deputads e deputadas. (fc/sda)