Austria vul sortir da l’energia atomara il 2015

L'Austria duai vegnir liber da l'energia atomara davent dal 2015. Quai han decidì represchentants da la regenza, da l'economia d'energia e d'organisaziuns d'ambient ad in inscunter suprem davart l'energia atomara.

Plinavant duain ils furniturs d'energia vegnir obligads d'inditgar davent il 2015 danunder che l'energia deriva. Electricitad grischa na dastga betg pli vegnir furnida. L'Austria na posseda naginas ovras atomaras e la cumpart da l'energia atomara importada è sut 5%. (gc/sda)