Columbia: Nagin success tar inscunter suprem
-
- Zoom
- Ils stadis americans n'èn cunzunt betg stads unids, quai che pertutga il cumportament visavi il stadi communistic da la Cuba (Keystone)
Il 6avel inscunter suprem dals stadis americans en la Columbia è ì a fin, senza ch'ils 31 presidents da stadi e da regenza fissan sa cunvegnids ad ina decleranza finala communabla. Il punct il pli dispitaivel è stà, co sa cuntegnair visavi il stadi communistic da la Cuba.
Entant che quasi tut ils pajais da l’America latina e da la Caribica vulan envidar la Cuba tar proxims inscunters, èn ils Stadis Unids anc adina encunter perquai che la Cuba n'adempleschia betg las pretensiuns democraticas. Il proxim inscunter dals stadis americans è il 2015 a Panama. (fc/sda)
